ಕರ್ನಾಟಕ ಭೂ ಖರೀದಿ ಯೋಜನೆ 2025–26: ಭೂರಹಿತ ಮಹಿಳೆಯರಿಗೆ ಹೊಸ ಆಶಾಕಿರಣ
ಕರ್ನಾಟಕ ಸರ್ಕಾರದ (Land Purchase Scheme Karnataka 2025) ಯೋಜನೆಯು ಪರಿಶಿಷ್ಟ ಜಾತಿ ಹಾಗೂ ಪರಿಶಿಷ್ಟ ವರ್ಗದ ಭೂರಹಿತ ಮಹಿಳಾ ಕೃಷಿ ಕಾರ್ಮಿಕರನ್ನು ಭೂ ಒಡೆಯರನ್ನಾಗಿ ಮಾಡುವ ಉದ್ದೇಶ ಹೊಂದಿದೆ. ಈ ಯೋಜನೆ ಅಡಿಯಲ್ಲಿ ಫಲಾನುಭವಿಗಳು ತಮ್ಮ ವಾಸಿಸುವ ಸ್ಥಳದಿಂದ 10 ಕಿಲೋಮೀಟರ್ ವ್ಯಾಪ್ತಿಯಲ್ಲಿನ ಕೃಷಿ ಜಮೀನನ್ನು ಖರೀದಿಸಲು ಸಹಾಯ ಪಡೆಯಬಹುದು. ಯೋಜನೆಯನ್ನು “ಮಹರ್ಷಿ ವಾಲ್ಮೀಕಿ ಪರಿಶಿಷ್ಟ ಪಂಗಡಗಳ ಅಭಿವೃದ್ದಿ ನಿಗಮ” ಹಾಗೂ “ಡಾ. ಬಿ.ಆರ್. ಅಂಬೇಡ್ಕರ್ ಅಭಿವೃದ್ದಿ ನಿಗಮ” ಸಂಯುಕ್ತವಾಗಿ ಅನುಷ್ಠಾನಗೊಳಿಸುತ್ತಿವೆ.
ಈ (SC/ST Land Purchase Scheme Karnataka 2025) ಅಡಿಯಲ್ಲಿ ಭೂರಹಿತ ಮಹಿಳಾ ಕೃಷಿ ಕಾರ್ಮಿಕರಿಗೆ ಕೃಷಿ ಜಮೀನು ಖರೀದಿಸಲು ರೂ. 25 ಲಕ್ಷ ಅಥವಾ ರೂ. 20 ಲಕ್ಷಗಳ ಘಟಕ ವೆಚ್ಚವನ್ನು ನಿಗದಿಪಡಿಸಲಾಗಿದೆ. ಇದರಲ್ಲಿ ಶೇಕಡಾ 50ರಷ್ಟು ಮೊತ್ತವನ್ನು (subsidy) ಆಗಿ ನೀಡಲಾಗುತ್ತಿದ್ದು, ಉಳಿದ 50ರಷ್ಟು ಮೊತ್ತವನ್ನು ಕೇವಲ 6% ಬಡ್ಡಿದರದ ಸಾಲವಾಗಿ ನೀಡಲಾಗುತ್ತದೆ. ಭೂ ಮಾರಾಟಗಾರರು ಪರಿಶಿಷ್ಟ ಜಾತಿ ಅಥವಾ ವರ್ಗಕ್ಕೆ ಸೇರಿದವರಾಗಿರಬಾರದು. ಜಿಲ್ಲಾಧಿಕಾರಿಗಳ ಅಧ್ಯಕ್ಷತೆಯಲ್ಲಿನ ಸಮಿತಿ ಜಮೀನಿನ ಮೌಲ್ಯವನ್ನು ನಿಗದಿಪಡಿಸುವುದರಿಂದ ಪಾರದರ್ಶಕತೆ ಕಾಯ್ದಿರಿಸಲಾಗಿದೆ.
ಅರ್ಹತಾ ಮಾನದಂಡಗಳು (Eligibility Criteria for Land Purchase Scheme Karnataka):
ಅರ್ಜಿದಾರೆಯ ವಯಸ್ಸು ಕನಿಷ್ಠ 18 ವರ್ಷ ಮತ್ತು ಗರಿಷ್ಠ 50 ವರ್ಷವಾಗಿರಬೇಕು. ಫಲಾನುಭವಿ ಪರಿಶಿಷ್ಟ ಜಾತಿ ಅಥವಾ ವರ್ಗದ ಭೂರಹಿತ ಮಹಿಳಾ ಕೃಷಿ ಕಾರ್ಮಿಕರಾಗಿರಬೇಕು ಹಾಗೂ ಪೂರ್ವದಲ್ಲಿ ನಿಗಮದಿಂದ ಸಾಲ ಪಡೆದಿರಬಾರದು. ಅರ್ಜಿಯಲ್ಲಿ ಫಲಾನುಭವಿ ಮತ್ತು ಭೂಮಾಲೀಕರ ಫೋಟೋ ಕಡ್ಡಾಯ.
ಬೇಕಾದ ದಾಖಲಾತಿಗಳು (Required Documents for SC/ST Land Purchase Scheme):
ಅರ್ಜಿದಾರರ ಫೋಟೋ, ಜಾತಿ ಮತ್ತು ಆದಾಯ ಪ್ರಮಾಣ ಪತ್ರ, ಪಡಿತರ ಚೀಟಿ ಅಥವಾ ಆಧಾರ್ ಕಾರ್ಡ್ ಪ್ರತಿಗಳು, ಯೋಜನಾ ವರದಿ ಹಾಗೂ ಜಮೀನು ದರ ಪಟ್ಟಿ ಅಗತ್ಯ.
ಅರ್ಜಿಯ ದಿನಾಂಕಗಳು (Application Dates):
ಪ್ರಾರಂಭ ದಿನಾಂಕ – 18 ಆಗಸ್ಟ್ 2025.
SC ಅಭ್ಯರ್ಥಿಗಳಿಗೆ ಕೊನೆಯ ದಿನಾಂಕ – 10 ಸೆಪ್ಟೆಂಬರ್ 2025.
ST ಅಭ್ಯರ್ಥಿಗಳಿಗೆ ಕೊನೆಯ ದಿನಾಂಕ – 17 ಸೆಪ್ಟೆಂಬರ್ 2025.
ಅರ್ಹ ಫಲಾನುಭವಿಗಳು ಹತ್ತಿರದ (Grama One), (Karnataka One) ಅಥವಾ (Bangalore One Centers) ನಲ್ಲಿ ನೇರವಾಗಿ ಅಥವಾ ಅಧಿಕೃತ ಜಾಲತಾಣಗಳಾದ adcl.karnataka.gov.in ಮತ್ತು kmvstdcl.karnataka.gov.in ಮೂಲಕ ಆನ್‌ಲೈನ್ ಅರ್ಜಿ ಸಲ್ಲಿಸಬಹುದು.
ಈ ಯೋಜನೆ ಗ್ರಾಮೀಣ ಮಹಿಳೆಯರ ಆರ್ಥಿಕ ಸ್ವಾವಲಂಬನೆಗೆ ಮಹತ್ತರ ಹೆಜ್ಜೆಯಾಗಿದ್ದು, ಅವರಿಗೆ ಸ್ವಂತ ಜಮೀನಿನ ಮೂಲಕ ಗೌರವಯುತ ಜೀವನ ನೀಡುವ ಉದ್ದೇಶ ಹೊಂದಿದೆ.
