ಹುಂಡೈ ಮೋಟಾರ್ ಇಂಡಿಯಾ ತನ್ನ ಜನಪ್ರಿಯ ಕಾಂಪ್ಯಾಕ್ಟ್ SUV (Hyundai Venue 2026) ನ ಹೊಸ ತಲೆಮಾರಿನ ಮಾದರಿಯನ್ನು ನವೆಂಬರ್ 4, 2025 ರಂದು ಬಿಡುಗಡೆ ಮಾಡಲು ಸಿದ್ಧವಾಗಿದೆ. ಇದೀಗ ಬಿಡುಗಡೆಯಾದ ಮೊದಲ ಟೀಸರ್‌ವು ಕಾರಿನ ಆಕರ್ಷಕ ವಿನ್ಯಾಸದ ನೋಟವನ್ನು ತೋರಿಸಿದೆ. (New Venue 2026) ಭಾರತದಷ್ಟೇ ಅಲ್ಲದೆ ಅಂತರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಸಹ ರಫ್ತು ಆಗಲಿದೆ.
ವಿನ್ಯಾಸ ಮತ್ತು ಹೊರಾಂಗಣ ಬದಲಾವಣೆ
ಹೊಸ (Hyundai Venue facelift) ಕಾರು 2019ರಲ್ಲಿ ಬಂದ ಮೊದಲ ಪೀಳಿಗೆಯ ನಂತರದ ದೊಡ್ಡ ನವೀಕರಣವಾಗಿದೆ. ಇದರ ಮುಂಭಾಗದಲ್ಲಿ ಅಗಲವಾದ ಗ್ರಿಲ್‌, ಲಂಬ ಎಲ್‌ಇಡಿ ಹೆಡ್‌ಲೈಟ್‌ಗಳು ಮತ್ತು ಸ್ಲಿಮ್‌ ಡೇಟೈಮ್‌ ರನ್ನಿಂಗ್‌ ಲೈಟ್‌ಗಳು (LED DRL) SUVಗೆ ಹೆಚ್ಚು ಆಧುನಿಕ ನೋಟ ನೀಡುತ್ತವೆ. ಬಲವಾದ ಬಾಡಿ ಕ್ಲಾಡಿಂಗ್‌ ಮತ್ತು ಬೆಳ್ಳಿ ಸ್ಕಿಡ್ ಪ್ಲೇಟ್ ಕಾರಿನ ಸ್ಪೋರ್ಟಿ ಲುಕ್‌ ಅನ್ನು ಎತ್ತಿ ತೋರಿಸುತ್ತದೆ. ಹೊಸ 16 ಇಂಚಿನ ಅಲಾಯ್ ವೀಲ್‌ಗಳು ಮತ್ತು ಕಪ್ಪು ಛಾವಣಿ (dual tone roof) ವಿನ್ಯಾಸವು ಪ್ರೀಮಿಯಂ ಫೀಲ್ ನೀಡುತ್ತದೆ.
ಹಿಂಭಾಗದಲ್ಲಿ ಸಂಪರ್ಕಿತ ಎಲ್‌ಇಡಿ ಟೈಲ್ ಲೈಟ್‌ಗಳು (LED tail lights) ಮತ್ತು ಡ್ಯುಯಲ್ ಟೋನ್ ಬಂಪರ್ SUVಗೆ ಹೆಚ್ಚು ಶೈಲಿಶಾಲಿ ಮತ್ತು ಬಲಿಷ್ಠ ನೋಟ ನೀಡುತ್ತವೆ. ಹೊಸ ವಿನ್ಯಾಸವು ಹುಂಡೈನ ಇತರ ಜಾಗತಿಕ SUV ಮಾದರಿಗಳಂತೆಯೇ ಕಾಣುತ್ತದೆ, ಇದು ಗ್ರಾಹಕರ ಗಮನ ಸೆಳೆಯುವ ಸಾಧ್ಯತೆಯಿದೆ.
ಒಳಾಂಗಣ ವೈಶಿಷ್ಟ್ಯಗಳು
ಹೊಸ ವೆನ್ಯೂ ಕ್ಯಾಬಿನ್‌ನಲ್ಲಿ ಡ್ಯುಯಲ್ 10.25 ಇಂಚಿನ ಕರ್ವ್ಡ್ ಡಿಸ್ಪ್ಲೇ (digital dashboard), ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಮತ್ತು ಡ್ರೈವರ್ ಕ್ಲಸ್ಟರ್ ವಿಲೀನಗೊಂಡಿದೆ. ಡ್ಯಾಶ್‌ಬೋರ್ಡ್ ವಿನ್ಯಾಸ ಹೆಚ್ಚು ವಿಶಾಲವಾಗಿ, ಮೃದು-ಸ್ಪರ್ಶ ವಸ್ತುಗಳಿಂದ ನಿರ್ಮಿಸಲಾಗಿದೆ. ಉನ್ನತ ಮಾದರಿಗಳಲ್ಲಿ (Hyundai Venue interior) ವೆಂಟಿಲೇಟೆಡ್ ಸೀಟುಗಳು, ಪನೋರಮಿಕ್ ಸನ್‌ರೂಫ್‌, 360 ಡಿಗ್ರಿ ಕ್ಯಾಮೆರಾ ಮತ್ತು (dual zone climate control) ಸೌಲಭ್ಯಗಳು ಇರಲಿವೆ.
ಇದೇ ರೀತಿ, (Hyundai Venue ADAS) ಸುರಕ್ಷತಾ ವೈಶಿಷ್ಟ್ಯಗಳಾದ ಲೆವೆಲ್ 2 ADAS, ಪಾರ್ಕಿಂಗ್ ಸೆನ್ಸರ್‌ಗಳು ಮತ್ತು ಮಳೆ ಸೆನ್ಸರ್ ವೈಪರ್‌ಗಳೂ ಇರಲಿವೆ. ಈ ಎಲ್ಲಾ ತಂತ್ರಜ್ಞಾನಗಳು SUV ಯನ್ನು ಅದರ ವರ್ಗದಲ್ಲೇ ಅತ್ಯುತ್ತಮವನ್ನಾಗಿಸಲಿದೆ.
ಎಂಜಿನ್ ಮತ್ತು ಪ್ರದರ್ಶನ
ಹೊಸ ವೆನ್ಯೂನಲ್ಲಿ 1.2 ಲೀಟರ್ ಪೆಟ್ರೋಲ್, 1.0 ಲೀಟರ್ ಟರ್ಬೋ ಪೆಟ್ರೋಲ್ ಮತ್ತು 1.5 ಲೀಟರ್ ಡೀಸೆಲ್ ಎಂಜಿನ್ ಆಯ್ಕೆಗಳು ಮುಂದುವರಿಯಲಿವೆ. (Hyundai Venue engine options) ಮ್ಯಾನುವಲ್ ಮತ್ತು ಸ್ವಯಂಚಾಲಿತ ಗೇರ್‌ಬಾಕ್ಸ್ ಆಯ್ಕೆಗಳು ಲಭ್ಯವಾಗಲಿವೆ. ಬೆಲೆ ಸುಮಾರು ₹8 ಲಕ್ಷದಿಂದ ಪ್ರಾರಂಭವಾಗುವ ನಿರೀಕ್ಷೆಯಿದೆ (ಎಕ್ಸ್‌-ಶೋರೂಂ ಕರ್ನಾಟಕ).
ಬಿಡುಗಡೆಯಾದ ನಂತರ, ಈ SUV ಭಾರತದಲ್ಲಿ (Tata Nexon), (Maruti Brezza), (Kia Sonet), (Nissan Magnite) ಮತ್ತು (Renault Kiger) ಸೇರಿದಂತೆ ಸ್ಪರ್ಧಾತ್ಮಕ ಕಾರುಗಳೊಂದಿಗೆ ಪೈಪೋಟಿ ನಡೆಸಲಿದೆ.
