ಸಾರ್ವಜನಿಕರೇ ಗಮನಿಸಿ! ರಾಜ್ಯದ ಗ್ರಾಮಪಂಚಾಯಿತಿಗಳಲ್ಲಿ ಸಿಗಲಿವೆ ಹೊಸ ಸೌಲಭ್ಯಗಳು – ಸರ್ಕಾರದಿಂದ ದೊಡ್ಡ ನಿರ್ಧಾರ!

ರಾಜ್ಯದ (Gram Panchayat Services)‌ಗಳು ಇಂದು ಗ್ರಾಮೀಣ ಜನರ ಜೀವನವನ್ನು ಸುಲಭಗೊಳಿಸುತ್ತಿವೆ. ತಾಲ್ಲೂಕು ಅಥವಾ ಜಿಲ್ಲಾ ಕಚೇರಿಗಳಿಗೆ ಓಡಾಟವಿಲ್ಲದೆ, ಗ್ರಾಮ ಪಂಚಾಯಿತಿಯಲ್ಲೇ ಹಲವಾರು ಸರ್ಕಾರಿ ದಾಖಲೆಗಳು, ಅನುಮತಿಗಳು ಹಾಗೂ ಪ್ರಮಾಣ ಪತ್ರಗಳು ಸಿಗುತ್ತಿವೆ. ಇದರ ಪ್ರಮುಖ ಕೇಂದ್ರವೆಂದರೆ ಬಾಪೂಜಿ ಸೇವಾ ಕೇಂದ್ರ (Bapuji Seva Kendra), ಇದು (bsk.karnataka.gov.in) ಮೂಲಕ ಕಾರ್ಯನಿರ್ವಹಿಸುತ್ತಿದೆ.

ಈ ಕೇಂದ್ರದಲ್ಲಿ ಪಂಚಾಯತ್ ರಾಜ್ ಇಲಾಖೆಯ 19 ಸೇವೆಗಳು ಹಾಗೂ ಕಂದಾಯ ಇಲಾಖೆಯ 40 ಸೇವೆಗಳು ಲಭ್ಯ. ಗ್ರಾಮೀಣಾಭಿವೃದ್ಧಿ ಹಾಗೂ ಪಂಚಾಯತ್ ರಾಜ್ ಇಲಾಖೆಯಡಿ ಕಟ್ಟಡ ಪರವಾನಗಿ, ತೆರಿಗೆ ನಿರ್ಧರಣಾ ಪಟ್ಟ ವಿತರಣೆ, ಹೊಸ ನೀರಿನ ಸಂಪರ್ಕ ಅರ್ಜಿ, ವ್ಯಾಪಾರ ಪರವಾನಗಿ, ಬೀದಿ ದೀಪ ನಿರ್ವಹಣೆ, ಗ್ರಾಮ ನೈರ್ಮಲ್ಯ ನಿರ್ವಹಣೆ, ಅಕುಶಲ ಕಾರ್ಮಿಕರಿಗೆ ಉದ್ಯೋಗ ನೀಡಿಕೆ ಮುಂತಾದ ಸೇವೆಗಳು ಸೇರಿವೆ.

ಕಂದಾಯ ಇಲಾಖೆಯಡಿ (Revenue Department Services) ಜನಸಂಖ್ಯೆ ದೃಢೀಕರಣ ಪತ್ರ, ಜಾತಿ ಮತ್ತು ಆದಾಯ ಪ್ರಮಾಣ ಪತ್ರ, ವಾಸ ದೃಢೀಕರಣ ಪತ್ರ, ವಿಧವಾ ದೃಢೀಕರಣ ಪತ್ರ, ನಿರುದ್ಯೋಗ ದೃಢೀಕರಣ ಪತ್ರ ಸೇರಿದಂತೆ 40ಕ್ಕೂ ಹೆಚ್ಚು ದಾಖಲೆಗಳನ್ನು ಗ್ರಾಮ ಪಂಚಾಯಿತಿಯಲ್ಲಿಯೇ ಪಡೆಯಬಹುದು.

ಅದೇ ರೀತಿಯಲ್ಲಿ (Ayushman Bharat Arogya Karnataka) ಯೋಜನೆಯಡಿ “ಆರೋಗ್ಯ ಕರ್ನಾಟಕ ಕಾರ್ಡ್” ಪಡೆಯುವ ವ್ಯವಸ್ಥೆಯೂ ಇದೆ. ಬಿಪಿಎಲ್ ಕಾರ್ಡುದಾರರಿಗೆ ವರ್ಷಕ್ಕೆ ₹5 ಲಕ್ಷದವರೆಗೆ ಉಚಿತ ಚಿಕಿತ್ಸೆ ಸಿಗುತ್ತದೆ. ಎಪಿಎಲ್ ಕಾರ್ಡುದಾರರಿಗೆ ಸಹ ಪಾವತಿ ಆಧಾರದ ಮೇಲೆ ಸರ್ಕಾರಿ ದರದ 30% ರಷ್ಟು ಚಿಕಿತ್ಸೆ ದೊರೆಯುತ್ತದೆ.

ವಿಕಲಚೇತನರ ಗುರುತಿನ ಚೀಟಿಗಳು ಸಹ ಬಾಪೂಜಿ ಸೇವಾ ಕೇಂದ್ರಗಳ ಮೂಲಕ ವಿತರಿಸಲಾಗುತ್ತವೆ. ಅರ್ಜಿ ಸಲ್ಲಿಸಿದ ನಾಲ್ಕು ವಾರಗಳಲ್ಲಿ ವಿಶಿಷ್ಟ ಗುರುತಿನ ಚೀಟಿಯನ್ನು ನೀಡುವ ವ್ಯವಸ್ಥೆಯಿದೆ.

ಗ್ರಾಮ ಪಂಚಾಯಿತಿಯ ವ್ಯಾಪ್ತಿಯಲ್ಲಿ (Building License), (Trade License) ನೀಡಿಕೆ, ಆಸ್ತಿಗಳ ಖಾತೆ ಬದಲಾವಣೆ, (Right to Information) ಕಾಯ್ದೆಯಡಿ ಮಾಹಿತಿ ನೀಡಿಕೆ ಹಾಗೂ (Sakala Services) ಮೂಲಕ ನಿಗದಿತ ಅವಧಿಯಲ್ಲಿ ಸಾರ್ವಜನಿಕ ಸೇವೆಗಳನ್ನು ಖಾತರಿಪಡಿಸುವ ಕ್ರಮಗಳು ಜಾರಿಯಲ್ಲಿವೆ.

ಈ ಎಲ್ಲ ಸೌಲಭ್ಯಗಳು ಗ್ರಾಮೀಣ ಜನರಿಗೆ ಸರ್ಕಾರದ ಸೇವೆಗಳನ್ನು ನೇರವಾಗಿ ತಲುಪಿಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತಿವೆ.