ಭಾರತೀಯ ಅಂಚೆ ಇಲಾಖೆ ಹೊಸ ಕಾಲದ ತಂತ್ರಜ್ಞಾನದತ್ತ ಮತ್ತೊಂದು ದೊಡ್ಡ ಹೆಜ್ಜೆ ಇಟ್ಟಿದೆ. ಜನಸಾಮಾನ್ಯರ ಸುಲಭತೆಗಾಗಿ ಇಲಾಖೆ “(Dak Seva App)” ಎಂಬ ಹೊಸ ಮೊಬೈಲ್ ಅಪ್ಲಿಕೇಶನ್ ಬಿಡುಗಡೆ ಮಾಡಿದೆ. ಈ ಆಪ್‌ನ ಮೂಲಕ ಈಗ ಎಲ್ಲಾ ಅಂಚೆ ಸೇವೆಗಳನ್ನು ಜನರು ತಮ್ಮ ಮೊಬೈಲ್‌ನಿಂದಲೇ ಪಡೆಯಬಹುದು. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ.
ಹಿಂದೆ ಅಂಚೆ ಕಚೇರಿ ಎಂದರೆ ಕೇವಲ ಪತ್ರ ಹಾಗೂ ಪಾರ್ಸೆಲ್ ಕಳುಹಿಸುವ ಸ್ಥಳವೆಂದು ಜನರು ಭಾವಿಸುತ್ತಿದ್ದರು. ಆದರೆ ಈಗ ತಂತ್ರಜ್ಞಾನದ ಸಹಾಯದಿಂದ ಅಂಚೆ ಇಲಾಖೆ ಬ್ಯಾಂಕಿಂಗ್, ವಿಮಾ, ಪಾವತಿ ಹಾಗೂ ನಾಗರಿಕ ಸೇವೆಗಳವರೆಗೂ ವ್ಯಾಪಕ ವಿಸ್ತಾರ ಪಡೆದಿದೆ. ಈ ಹೊಸ ಅಪ್ಲಿಕೇಶನ್‌ನ ಮೂಲಕ ಎಲ್ಲ ಸೇವೆಗಳು ಒಂದೇ ವೇದಿಕೆಯಲ್ಲಿ ಲಭ್ಯವಾಗುತ್ತವೆ ಎಂಬುದು ಇದರ ಪ್ರಮುಖ ವೈಶಿಷ್ಟ್ಯ.
‘ಡಾಕ್ ಸೇವಾ’ ಆಪ್ ಬಳಸಿ ಗ್ರಾಹಕರು ಸ್ಪೀಡ್ ಪೋಸ್ಟ್ ಹಾಗೂ ಮನಿ ಆರ್ಡರ್‌ಗಳನ್ನು ನೈಜ ಸಮಯದಲ್ಲಿ ಟ್ರ್ಯಾಕ್ ಮಾಡಬಹುದು, ಅಂತರರಾಷ್ಟ್ರೀಯ ಹಾಗೂ ದೇಶೀಯ ಪಾರ್ಸೆಲ್‌ಗಳ ಶುಲ್ಕ ಲೆಕ್ಕಾಚಾರವನ್ನು ತಕ್ಷಣ ಲೆಕ್ಕಿಸಬಹುದು. ಜೊತೆಗೆ ಸ್ಪೀಡ್ ಪೋಸ್ಟ್, ನೋಂದಾಯಿತ ಪೋಸ್ಟ್ ಅಥವಾ ಪಾರ್ಸೆಲ್‌ಗಳನ್ನು ನೇರವಾಗಿ ಆನ್‌ಲೈನ್‌ನಲ್ಲಿ ಬುಕ್ ಮಾಡುವ ವ್ಯವಸ್ಥೆಯೂ ಇದೆ. ಯಾವುದೇ ಸಮಸ್ಯೆ ಉಂಟಾದರೆ ದೂರುಗಳನ್ನು ಆಪ್ ಮೂಲಕವೇ ಸಲ್ಲಿಸಬಹುದು.
ಅಪ್ಲಿಕೇಶನ್‌ನಲ್ಲಿ (India Post Services) ಸಂಬಂಧಿತ ವಿಭಾಗಗಳನ್ನೂ ಸೇರಿಸಲಾಗಿದೆ – ಅಂಚೆ ಜೀವನ ವಿಮಾ ಪಾವತಿ, ಹತ್ತಿರದ ಅಂಚೆ ಕಚೇರಿ ಪತ್ತೆ, ಹಾಗೂ ಕಾರ್ಪೊರೇಟ್ ಗ್ರಾಹಕರಿಗಾಗಿ ವಿಶೇಷ ವಿಭಾಗಗಳು. “ಈಗ ಅಂಚೆ ಕಚೇರಿ ನಿಮ್ಮ ಜೇಬಿನಲ್ಲಿದೆ” ಎಂಬ ಘೋಷಣೆಯಂತೆ, ಈ ಅಪ್ಲಿಕೇಶನ್ ದೇಶದ ಅಂಚೆ ಸೇವೆಗಳನ್ನು ಡಿಜಿಟಲ್ ರೂಪದಲ್ಲಿ ಜನರಿಗೆ ತಲುಪಿಸುವಲ್ಲಿ ಕ್ರಾಂತಿಕಾರಿ ಹೆಜ್ಜೆಯಾಗಿದೆ.
